ديرتي منبت غضا * ديرتي أنا القصيم ღღ

ღღ ديرتي منبت غضا * ديرتي أنا القصيم ღღ

ديرتي منبت غضا * ديرتي أنا القصيم ღღ 453199573

.

ديرتي منبت غضا ديرتـي أنا القصيـم
ديرتي غرب دهنا ديرة النخل الهضيم
ديرتــي جنـوبـهـا مصدر الفخر الحشيم
أقصد ريـاض البنـا والـولاء ماهـو ثـليـم
ديرتي وش حليها ديـرة الحب القـديم
وسطها وادي رما وادي جعله مـــديم
بريده وعنيزه بهـا عينين بالراس الشميم
ولو قيل مافي مثلها بكيريه صـح الكليم
والخبراء ورياضه بنا بالهــام لو إنك فهيم
أسياد والعزة لنا أبـطال ياعيال القصيم
قصيمنا هو فخرنا للمملكة ســد عظيم

هي إحدى المناطق الإدارية بالسعودية ومقر إمارتها بريدة،
ويتولى إمارتها الأمير فيصل بن بندر بن عبد العزيز آل سعود، تبلغ مساحتها 65,000 كم2،
بين المنطقتين الوسطى والشمالية. وعدد سكانها 1.450.000 تتميز بوفرة المياه الجوفية ووجود الواحات
الزراعية الغنية التي تمد المملكة والخليج العربي بأفخر وأجود أنواع التمور والخضروات والفواكه,
عاصمتها: بريدة وهي أكبر مدنها من حيث المساحة وعدد السكان وفيها مقر الاماره،
يذكر بأن الشاعر الجاهلي عنتر بن شداد كان أصله من هذه المنطقة وكذلك الشاعر الجاهلي
زهير بن أبي سلمى وأبنه كعب بن زهير الذي مدح رسولنا محمد صلى الله عليه وسلم بقصيدة مشهورة..

.
.

مدينة بريدة - محافظة عنيزة - محافظة المذنب - محافظة البكيرية
محافظةالرس - محافظة عيون الجواء - محافظة رياض الخبراء - محافظة النبهانية
محافظة البدائع - محافظة الاسياح - مركز شري - مركز عقلةالصقور - مركز قصيباء
مركز قصر بن عقيل - مركز البصر - مركز ضراس - مركزالغماس - مركزالطرفية
مركزعسيلان - مركزالهدية - مركزالضاحي - مركزالهلالية - مركزالمليداء
مركز عين بن فهيد - مركز قبة.

.
.

[b]

.

.
.

مدينة بريدة

تقف بريدة اليوم صرحاً شامخاً إنها توحي بالماضي ،وهي مرآة نقية للحاضر ..
تحفها الكثبان الذهبية وتزينها الخضرة وجداول المياه العذبة، ويرجع تاريخ المدينة إلى عصور ما قبل الإسلام
حيث كانت محطة تجارية مهمة على الطريق التي تربط بين اليمن و مكة المكرمة وبلاد بين النهرين.
ســبب التسميـــة تتعدد الروايات حول اسمها، فقيل: إنه نسبة إلى نباتات
البردي التي تنمو في المنطقة ،وقيل: إنها سميت بذلك لكثرة مائها وبرودته،
وقيل: إنها سميت باسم الصحابي بريدة بن الخصيب الذي حفر فيها بئرًا ارتوى منها الناس فسموها باسمه,
وممن يرون صحة هذا القول عبدالعزيز بن ابراهيم المعارك وهو من المهتمين بتاريخ المدينة .

منطقة عيون الجواء:

محافظة عيون الجواء في الشمال الغربي من منطقة القصيمتحتفظ عيون الجواء بهذا المسمى منذ عصور قديمة
وتشتهر بالكثير من المعالم التي تغنى بها الشعراء مثل :جبل ساق الجواء وصارة الذين ذكرهما
زهير بن أبي سلمى في قوله:
ولما بدت ساق الجواء وصارة - وفرش وحماواتهن القوابل
وقول عنترة بن شداد في معلقته:
يا دار عبلة بالجواء تكلمي - وعمي صباحًا دار عبلة واسلمي
و امرؤ القيس في قوله:
كأن مكاكي الجواء غُذيَّة - صُبحن سلافًا من رحيق مفلفل

وغيرها كثير ..

منطقة البكيرية :

تقع في قلب القصيم النابض <- معلومه من امي
البكيرية بلد قديم اشتق اسمها من رجل يقال له محمد البكري ويرجع
تاريخها إلى القرن الثاني عشر الهجري وفي محافظة البكيرية يوجد
الكثير من المعالم الأثرية التي أقيمت قبل مئات السنين ومن هذه المعالم:

مقصورة السويلم

يعتبر اول مبنى شُيد في البكيريه ويرجع تاريخها الى عام 1811هـ
وَ سور البكيرية
وَ مسجد الرواجح (جمع الراجحي)

منطقة عنيزه:

تاريخ عنيزة القديم يكتنفه بعض الغموض كما هو حال منطقة القصيم
عموما إلا أن هنالك معلومات تدل على أن عنيزة كانت معروفة قبل
ظهور الإسلام كما أنها قد عرفت في العصر الجاهليويدل على ذلك
ورودها في بعض أشعار العرب قبل الإسلام .
مثل: قول الشاعر الجاهلي/ بشر بن ابي الخازم :-
عفا رسم برامة فالتلاع .... فكثبان الحفير إلى لقاع
فجنب عنيزة فذوات خيم .... بها الغزلان والبقر الرتاع
وقول امرئ القيس :-
تراءت لنا بين النقا وعنيزة .... وبين الشجا مما أحال على الوادي

الظاهر ان امرئ القيس قصيمي شاعر بكل مناطق القصيم

وفيها معالم أثريه مثل :
قصر البسام

وَ مسجد الخريزه

الي داخله لوحه تفيد انه مجدد عام 1337هـ عاد الله العالم متى انبنى..

*نكتفي بهذي المناطق ولا قصور بالبقيه

.
.
.

الحين نبي ندخل الى زبدة ولب الموضوع والي انتظره من دهر..
نبدأ الدرس بسم الله الرحمن الرحيم ..

أولآ : قاعدة دمج الحروف :

القاف (ق)= د + ز = دز .. مثال: بالتوفيدز = بالتوفيق
الكاف (ك)= ت + س = تس .. مثال : تسثير = كثير

ثانيآ : قاعدة تصغير الأشياء :

اذبحوا القصمآن عند التصغير ويتأضح لنا من خلال الامثلة القادمة :
ملعقة : مليعيدزه
ساره : سويّر
صحن : صحين
ولد : أوليد
بنت : ابنيه
عبدالعزيز : عزيّـز
وكثير من الامثلة ..

ثالثآ : التحدث مع البنت :

عندنا لاجيت تكلم البنت والولد نفس الشي من ناحية الهاء وراح تفهمون
قصدي بالمثال القدم ..

الام تبي تسأل الولد عن ان كان عطى حصه الكليجا ام لا :
ياوليدي عطيته ولا لا ؟ <- لاحظو ما فيه الف ..نوقف عن الهاء
والام تسأل حصه : عزيّز عطاتس الكليجا ..؟؟<- مهب ك لا تس
تجاوب حصه : ايه يمّه عطان

رابعآ : صيغة المتكلم :

احمد مااخذ من خالد القلم فقاله :
والله انك ما عطيتن القلم..

وهكذآ سائر اللهجة ..

من الاخطأ الشائعة /

فيه بنت معي بالجامعه اذا تبي تعلق علي
تقول : ما بن شين (ماابي شي )..
وحنا اساسآ الكلمات الي نهايته ياء عادي ننطقه زي العالم

*وأقرب لهجة للهجـتنآ حنا يالقصمـان لهجـة شمـّر يا بعدي حييّ ..

وهنـآ في بعض المفردات القصيميه :

ظ…طµط·ظ„طط§طھ ظ‚طµظٹظ…ظٹط©.wma

وللي مايـلحـق على الكـلمات بالمقطع لان اختي تتكلم بمعدل 1234 كلمة في الثانيه ..

وراه / لماذا؟
يمطرس / يعبث
يويق / ينظر بخلسة
افهقه / حركـة
يلبط / يسقط فجأة
يباري الساس / يمشي بجانب الجدار
قـوه / هيآ بنا
يتطنز / يستهزئ
زمل / خايف من نتائج شيء
مير / كلمة وصل لا داعي لوجودها أحيانآ
يهلس / يكـذب
مسط / سقط بقوه
بحوم / طمـاع
تشعمط / تعلق
امطخه / قبّلـه
يحلت / يرمـي
جبع / قص شعره قصيرآ
وش كارك / لا شأن لك بي
يا هملالي / منذو زمن بعيد
ييزي وَ يسد / يكـفي
وش حيثهم / لماذا هم فقط ؟
العاير / ركـن الشارع
دهدره / الرجل الذي لا يعتمد عليه
زتـه / دفعـه بقوه
فلقـه / جرح رأسـه
سـادّه / الفرح بحصول مكروه لشخص بمعنى أصح : يستـاهل
همـاه / أليـس كذلك
يلفـز / يخبئ
لغديه / لعـلـه
كوده / أداة تمنـي
وخـزياه / دليل على الحياء
أغولك / أخنقـك
نطـل / سرق
طمبـس / أخفض رأسـك
أنود / أشعـر بالنـعاس
ولد السماثـا / تطلق على الذي يأتي من الخارج وشايف روحـه
زلق / أختل توازنه وسقـط
يمزر / يأخـذ بقـوه
دوك / خذ وللمؤنـث دوتس

[b].

الزواج :
يختلف بالقصيم عن باقي نجد
طبعا مراسيم الزواج تختلف من عائله لعائله أحد يحطه عائلي
وأحط يحطه بقاعه أفراح وأحد سكيتي إجتماع رجال وياخذ عروسته والسلام
تبدأ الزواجات عندنا عادة من الساعه 9 أو 10 ليلا وتنتهي 3 ليلا
وغالبا الساعه 2 يصكون النور حقين القصر علشان يطلعونكم غصب عليكم
كانن الحريم اذا صار عرس يدخلن سيدا ويفكن الجدايل وهات يارقص وطق بالطشت
^تخيلوا الشكل جديله مفكوكه وطق بالطشت <-اهم شي يستناسون
طبعا نفس باقي العروس بمناطق المملكة إلى ما وصل الطق للمدينة اللي جنبنا ما نسميه عرس
وتقليطات وزفات وولائم وبوفيهات وكل خير وتقريبا مثل عادات اهل نجد مافيه شي زود عنهم
ولكن فيه فرق بالقصيم غير عن باقي مناطق نجد الا وهو ان حفلة الزواج عادةً يتكفلون فيها اهل العروس
ومهورهم بعد ماتطلع ذيك الغاليه يعني لابغيت تعرس ابد مالك الا القصيميه <- براا
والرقصات العرضه غالبآ ولا كل احد يرقص برقصة قبيلته زي الدحه عند عنّزه
و يا محلا طاروق الدحه..لا وا فق له صوت وبحه

الخشر :
وفي عادة يسوونها ليلة العيد وهي الخشر يعني يجيبون حلويات والعاب للاطفال ووعشاء
ويتجمعون الاهل والاقارب ويسهرون الى 12 وكلن يروح لبيته لان ورانا صلاة العيد الساعه 6 الصباح

العمار :
وهذي عاده قديمه قد اندثرت الحين ومالها وجود
يروحون الاطفال بعاشورا -10 محرم - يطقون على الجيران ويقولون
حادزي بادزي طول النخل والسواقي .. عقب يغنون بولدهم
فلان حج بأمه وكبعه بالفوطه عن المطر ونقوطه ..
بعدين يتهيضون اهل البيت ويكبون على المبزرة من السطح كليجا
وحلاو وبقل ..(المصدر أم بريتي )

معاني الكلمات :
حادزي (حاقي): مالها معنى
بادزي (باقي):كلمات يعني على نفس الوزن عشان تضبط الاغنيه..
كبعه : غطاها
ذي شعوذات ام برتي ياعالم الي قراها بينهبل
<-قليله خاتمه

نكتفي بهذا القدر..
^برتي تقول يكفي قرق مو لازم يعرفون كل شي عن اسرار الدوله القصيميه حفظها الله تعالى

-------------------------

الأكلآت المتعارف عليها بالقصيم :

جريش

مرقوق

سليق

مطازيز

مراصيع

هذولي نماذج بسيطه من اكلات القصيم والا الخير واجد<احد سألك طيب

الحلويات :
زمان ماياكلها الا التجار ولا تحصل للمساكين الانادرا<صدق اني مأساه مو كل شئ ينقال

كليجا

قشد

معمول

حنيني

.
.

الشيخ محمد بن عثيمين
الشيخ صالح الفوزان
الشيخ عبدالرحمن السديس
الشيخ محمد السبيل
الشيخ عبدالرحمن البرك
الشيخ عبدالعزيز الراجحي
الشيخ سلمان العودة
الشيخ صالح الحيدان
الشيخ منصور.ف

وهذا على سبيل الذكر لا الحصر..

.
.

طبعآ أغلب الالعـاب هذي مهيب حكـر على القصمآن
ولكـن كان لها صيت عند أطفال القصيم منول ..

المصاقيل (اعتقد لها اسم ثاني لايحضرني)
اسمه طب برتي واذا رموها عي الارض يقولون سحر موسى وابراهيم
<والمصدر من اخواني بس لاتاخذون بقولتهم <نكابه

مصاقيل غنيه عن التعريف

لعبة الذيب
حبشه او مليحق بلاتسذب برتي

يتجمعون البنات ويجون ثنتين يقولون رديّه
الاولى تقول : انا الذيب باكلكم..
وتجي الام تقول بلهجة مليئة بالتخسي وتعب : أنا الام بحميكم
ويتلاحقون ويهابدون بالبراحه الى المغرب <- اتوقع انها كذا
ايه صح عليك برتي اول مره تصدقين < نذله

لعبة بدون أسم

هذي لعبه للعيال .. يقطعون من عسيب النخل
ويتخيلون انه خيل , ويجلسون يتمشون بالحاره على هالعسيب..
فرسان على غفله..

طاق طاق طاقيه <- للهلاليين

لعبه غنيه عن التعريف .. يتجمعون العيال والبنات
ويسوون حلقه .. يتلاحقون ورا رامي الطاقيه ..

لعبه مالها سنع

عباره عن ولدين يتقامزون فوق بعض وكفى الله المؤمنين شر القتال
يعني خلصت الالعاب يتقامزون

النبيطة

نباطه وماالحب الا للحبيب الاولي

.
.

[/b]

.[b]

.

اولآ اتمنى يعجبكم الموضوع عبر لو عن جزء بسيط عن منطقة القصيم
موجز لاقصى حد ما تكون المشاركه طويله وممله
ولا لو نفصل يبي لنا 30 صفحه وماتسد..
[/b]

[/b]

هههههه

ثآآنكيو